Аукцион ережелері

«SD Монеталары» аукционына қатысу ережелері

1. Терминдер және анықтамалар

1.1. SD – Smart Deal

1.2. Аукцион — оның барысында Компанияның SD мобильдік қосымшасында анықтаған тауарына пайдаланушылар SD монеталарын пайдаланып ұтыс тіге алатын және аукционды ұтып алған болса, оны қорытынды бағамен сатып ала алатын үдеріс.

1.3. SD монеталары — пайдаланушылардың SD қосымшасында жарнама роликтерін көріп шыққаны үшін алатын виртуалдық валютасы. SD монеталарын тауарларды жартылай немесе толық төлеу үшін пайдалануға болады .

1.4. Пайдаланушы — SD қосымшасында тіркелген, 18 жастан асқан, барлық қатысу талаптарын сақтай отырып аукционға қатысуға құқығы бар жеке тұлға.

1.5. Жеке кабинет (ЖК) — қатысушының SD қосымшасындағы дербес деректері мен еңбекпен табылған және жұмсалған SD монеталары туралы ақпарат сақталатын есеп жазбасы.

1.6. Таймер — аукционның аяқталуына қалған уақытты көрсететін уақыт санауы.

1.7. Мөлшерлеме — аукцион кезінде пайдаланушы аукционда тауарға ұсынуға дайын SD монеталарының санын көрсететін іс-әрекет.

1.8. Никнейм — пайдаланушының аукционға қатысу үшін көрсететін және осы ережелерде көрсетілген талаптарға сай болуға тиіс (мазмұнына қойылатын талаптарды бұзбауға тиіс) лақап аты.

1.9. Аватар — аукционға қатысу үшін жүктелуі және Компанияның мазмұнға қойылатын талаптарына сәйкестігін тексеретін модерациясынан өтуі тиіспайдаланушы кескіні.

1.10. Компания — аукцион өткізуді ұйымдастыратын «MP Solutions» ЖШС.

2. Жалпы ережелер

2.1. Аукцион пайдаланушылардың сервиске және SD брендіне қызығушылығын арттыру мақсатында өткізіледі.

2.2. Аукционға тек қана Алматы қаласында орналасқан SD мобильдік қосымшасының авторландырылған пайдаланушыларға қатысуға рұқсат етіледі. Аукционға веб-нұсқалар немесе пайдаланушылардың басқа құрылғылары арқылы қатысу мүмкін емес.

2.3. Аукционға қатысу үшін пайдаланушы:

SD қосымшасында авторландырылған болуға.

Никнеймін көрсетуге және аватарын жүктеуге (қатысу үшін екі жолды да толтыру қажет).

Жеке шотында ұтыс тігу үшін кемінде 1 бірлік SD монеталары болуға тиіс.

2.4. Аукцион 7 күнтізбелік күнге созылады, осы уақыттың ішінде пайдаланушылар SD монеталарын пайдаланып тауарға ұтыс тіге алады.

2.5. Пайдаланушы қолында SD монеталары жеткілікті көлемде болған жағдайда тауарға ұтыс тіге алады. Егер монеталары болмаса, пайдаланушы SD қосымшасының «монеталар табу» бетіне жіберіледі, ол жерде SD монеталарын алу үшін әрекет жасай алады.

3. Аукционның механикасы

3.1. SD қосымшасының негізгі бетінде аукционда SD монеталарына сатып алуға ұсынысы бар тауар орналастырылады. Тауардың визуалдық карточкасында немесе баннерінде мыналар көрсетіледі:

Компанияның SD монеталарында анықтаған тауардың ағымдағы (бастапқы) аукциондық бағасы;

Аукционның аяқталуына қалған уақытты кері санайтын таймер;

Ұтыс тігуге арналған «Қатысу/Ұтыс тігу» батырмасы.

3.2. Пайдаланушы тауар үшін ұсынуға дайын SD монеталарының санын көрсетіп ұтыс тігеді. Тігетін ұтыс тауардың ағымдағы бағасынан 1 SD монетасына қымбаттатылуы мүмкін.

3.3. Ұтыс тігу кезінде көрсетілген SD монеталарының саны пайдаланушының шотында «тұрақталып» қалады. Егер ұтысты басқа пайдаланушы «асырып жіберсе» алдыңғы қатысушының SD монеталары «босатылып», оның шотына қайтарылады.

3.4. Таймер аяқталғанға дейін ұтысты соңғы болып тіккен және басқа пайдаланушыларға қарағанда барлығын қосқанда ең көп SD монеталарын салған пайдаланушы аукционның жеңімпазы болады.

4. Ұтыс тігу ережелері

4.1. Пайдаланушы тек қана мына жағдайларда ұтыс тіге алады:

SD қосымшасында авторландырылған.

Никнеймін көрсеткен және аватарды жүктеген.

Алматы қаласында орналасқан.

Жеке шотында аукционға қатысу үшін ұтыс тігуге жеткілікті SD монеталары бар.

4.2. Ұтысты енгізуге арналған жол мөлшерлемені Компания көрсеткен тауардың ағымдағы бағасынан тек қана 1 SD монетасына көбейтуге болатындай жұмыс істейді.

4.3. Ұтысты тіккен соң пайдаланушының SD монеталары басқа пайдаланушы одан жоғарырақ ұтысты тіккенше оның шотында «тұрақталады». Егер одан «асып кететін» ұтыс тігілсе, монеталар пайдаланушының шотына қайтарылады.

4.4. Аукцион аяқталған және Компания жеңімпазды анықтаған соң, Ережелердің 5.2-тармағы сақталған жағдайда, оның SD монеталары ақырғы рет шығынға жазылады да, тауарды алуға рұқсат беріледі.

5. Аукционда жеңу және тауарды алу

5.1. SD монеталарын пайдаланып соңғы және жоғарырақ ұтыс тіккен аукцион жеңімпазы жеңіске жеткені туралы хабарлама алады (смс немесе пуш-хабарлама).

5.2. Тауарды жеткізуді ресімдеу үшін жеңімпаз 3 (үш) күнтізбелік күннің ішінде келесі іс-әрекеттерді жасау керек:

Алматы қаласындағы мекенжайын көрсетіп тауар жеткізу нысанын толтыру (даңғылы/көшесі, үйі, пәтері және басқа деректері (қажет болса)).

ҚР заңнамасына сәйкес е-рау (онлайн-төлеу) арқылы 10 (он) теңгеО мөлшерінде тауар жеткізудің минималды сомасын төлеу.

5.3. Егер жеңімпаз 5.2-тармақта көрсетілген іс-әрекеттерді 3 (үш) күнтізбелік күннің ішінде жүзеге асырмаса, аукционның нәтижелерінің күші жойылады, және тауар қолжетімсіз болып қалады.

5.4. Жеңімпаздың жеке кабинетінде оның аукционды жеңіп алғаны туралы ақпарат көрсетіледі, онымен бірге тауарды алып кету және жеткізу үшін деректерді толтыру ұсынылады.

5.5. Тауарды жеңімпаздың меншігіне беру кезінде шартқа қол қойылмайды, аукционның жеңімпазына тауарға келесі құжаттар беріледі: Электрондық чек.

6. Шектеулер және тыйымдар

6.1. Пайдаланушыға төмендегілер көрсетілген орынсыз никнеймдерді және/немесе аватарларды пайдалануға тыйым салынады:

Нормадан тыс лексика, қорлайтын, ерсі сөздер.

Жарнама хабарламалары, органдардың және/немесе ұйымдардың атаулары, сайттар, белгілі тұлғалардың есімдері және т.б.

Зорлық-зомбылық, порнография, есірткі насихаты, немесе басқа заңсыз әрекеттер кескіндері.

6.2. Никнеймдер мен хабарламаларда бас әріптерді (Caps Lock) шамадан тыс пайдалануға тыйым салынады.

6.3. Пайдаланушы аукционға тек қана Алматы қаласынан қатыса алады. Басқа қалалардан қатысуға мүмкіндік берілмейді.

7. SD әкімшілігінің жауапкершілігі

7.1. SD әкімшілігі осы аукцион ережелерін пайдаланушыларға алдын ала хабарламай өзгерту құқығын өзіне қалдырады.

7.2. Пайдаланушылардың іс-әрекеттері осы ережелерді бұзатын болса немесе SD қосымшасына және SD қосымшасын басқа пайдаланушыларға зиян тигізетін болса, әкімшілік олардың аккаунттары мен тіккен ұтыстарын бұғаттауға немесе шектеуге не редакциялауға құқылы.

7.3. Ережелерді бұзу белгілері (мысалы, орынсыз никнейм немесе аватар пайдалану) байқалған жағдайда Компания әкімшілігі тіккен ұтыстардың күшін жоюға және пайдаланушыны аукционнан шығаруға құқылы.

8. Жеңімпазға жеңісі туралы ескерту

8.1. Аукционның жеңімпазы тауарды алып кету қажеттігі туралы үш смс-ескерту (смс немесе пуш-хабарлама) алады:

1-күн: "Сіз аукционның жеңімпазы болдыңыз! SD Жеке кабинетіндегі тауарды алып кету үшін сіздің 3 күніңіз бар."

2-күн: "Ұтысты алуға 2 күн қалды. SD қосымшасына кіріп, жеткізуге қажетті деректерді толтырыңыз."

3-күн: "Жеткізуді ресімдеу үшін соңғы күн. Ұтысыңызды алып кетуге мүмкіндігіңізді жіберіп алмаңыз!"

8.2. Егер жеңімпаз тауарды 3 (үш) күнтізбелік күннің ішінде алып кетпесе, жеңімпаз тауар алу құқығынан айрылады.

9. Қосымша шарттар

9.1. Аукцион аяқталған кезде барлық қатысушыларға оның аяқталғаны туралы смс жіберіледі: "Аукцион аяқталды! Қатысқаныңыз үшін рақмет."

9.2. Техникалық іркілістер немесе даулы жағдайлар орын алған жағдайда Компания әкімшілігінің аукционды өткізу барысына және/немесе ережелеріне өзгертулер мен толықтыруларды енгізуге, оған қоса пайдаланушылардың тіккен ұтыстарының күшін жоюға немесе аукционның жеңімпазын қайта қарауға құқылы.